أخيراً
يارب يكون ده قرار نهائي إن شاء الله
دي المرة رقم 7000 اللي أعمل فيها بلوج وأسيبه لغاية ما يترب وتعشش فيه العناكب، يدوب هي أول كام كلمة أحلف فيهم إني خلاص حبتدي أكتب وأدون وحتوب عن كل الفترة اللي فاتت اللي ما كتبتش فيها حاجة وبعد كده ... بخ ... بالسلامة
ولا حد بيسمع حاجة والبلوج بيتنسي، وكلها كام شهر وأرجع تاني وأقول حرمت المرة دي
وأبتدي أكتب وأختار اسم جديد ... وهكذا
لكن إيه اللي يضمن لي المرة دي إني حلتزم وحستمر وحخصص وقت (لو حتى مش يومي) إن شالله يكون اسبوعي علشان اكتب تدويناتي؟
بصراحة في حاجات كتيييييييييييييييير بزيادة في حياتي وحياة اللي حواليا شايفة إنها تستدعي الكتابة
طب وهو يعني مكنش فيه حاجات تستدعي قبل كده؟
لأ مكنش فيه ... دلوقتي أنا ست متجوزة، وفي نفس ذات الوقت بشتغل لوقت متأخر، وبقيت زوجة مسئولة وبرضه موظفة مسئولة
ساعات بيجيلي إحساس بالفشل أو الخيبة أو الملل، وده بصراحة لأني مش متعودة على تحمل مسئوليتين في نفس الوقت ... لأ وإيه .. الإتنين أكبر من بعض
طب مش ده أدعى إن مايكونش عندي وقت خااااااااااااااالص للكتابة؟
إيه الأسئلة الكتير دي؟؟
أديني بقول حكتب وخلاص ... عايزين تصدقوني صدقوا .. ولو شايفيني بنصب وببيع كلام في الهوا .. انتوا أحرار
على العموم للمرة الـــ7000 (اللي أنا ذكرتها في الأول) حكتب وحسيب كيبوردي ينطلق
أنا مضطرة أقوم أروح دلوقتي لأني لسة معملتش الغذاء وكمان حموت م الجوع، احتمال أشوفكم باليل لو محمد أخويا فضل قاعد معانا وكان معاه اللاب توب ... لأني لسة مجبتش كومبيوتر والذي سوف يتقرر شراءه في الخطة الخمسية القادمة
سلام يا شعب
سلام يا إنترنت
يارب يكون ده قرار نهائي إن شاء الله
دي المرة رقم 7000 اللي أعمل فيها بلوج وأسيبه لغاية ما يترب وتعشش فيه العناكب، يدوب هي أول كام كلمة أحلف فيهم إني خلاص حبتدي أكتب وأدون وحتوب عن كل الفترة اللي فاتت اللي ما كتبتش فيها حاجة وبعد كده ... بخ ... بالسلامة
ولا حد بيسمع حاجة والبلوج بيتنسي، وكلها كام شهر وأرجع تاني وأقول حرمت المرة دي
وأبتدي أكتب وأختار اسم جديد ... وهكذا
لكن إيه اللي يضمن لي المرة دي إني حلتزم وحستمر وحخصص وقت (لو حتى مش يومي) إن شالله يكون اسبوعي علشان اكتب تدويناتي؟
بصراحة في حاجات كتيييييييييييييييير بزيادة في حياتي وحياة اللي حواليا شايفة إنها تستدعي الكتابة
طب وهو يعني مكنش فيه حاجات تستدعي قبل كده؟
لأ مكنش فيه ... دلوقتي أنا ست متجوزة، وفي نفس ذات الوقت بشتغل لوقت متأخر، وبقيت زوجة مسئولة وبرضه موظفة مسئولة
ساعات بيجيلي إحساس بالفشل أو الخيبة أو الملل، وده بصراحة لأني مش متعودة على تحمل مسئوليتين في نفس الوقت ... لأ وإيه .. الإتنين أكبر من بعض
طب مش ده أدعى إن مايكونش عندي وقت خااااااااااااااالص للكتابة؟
إيه الأسئلة الكتير دي؟؟
أديني بقول حكتب وخلاص ... عايزين تصدقوني صدقوا .. ولو شايفيني بنصب وببيع كلام في الهوا .. انتوا أحرار
على العموم للمرة الـــ7000 (اللي أنا ذكرتها في الأول) حكتب وحسيب كيبوردي ينطلق
أنا مضطرة أقوم أروح دلوقتي لأني لسة معملتش الغذاء وكمان حموت م الجوع، احتمال أشوفكم باليل لو محمد أخويا فضل قاعد معانا وكان معاه اللاب توب ... لأني لسة مجبتش كومبيوتر والذي سوف يتقرر شراءه في الخطة الخمسية القادمة
سلام يا شعب
سلام يا إنترنت
3 comments:
إيه الندالة دي .. ولا تعليق واحد يوحد ربنا ... الناس مبقاش فيها خير خلاص؟؟؟
متزعليش ياستى كلامك جميل جدا
ياستي ... إحنا ندخل عشان نعلق بس ....
حتي لو من غير ما تكتبي حاجة ....
أخبار الغدا إيه؟؟
Post a Comment