بعد ما علي اقتنع أخيراً إنه لازم يسافر السودان وبعد ما أقنعته إن ربنا هو اللي باعت له السفرية دي ومفيش أي حد يقدر يتدخل ويلغيها غير بأمره ... أخيراً سافر
ولأول مرة أقضي 24 ساعة كاملة لوحدي من غيره .. أقصد من غيره في البلد طبعاً
إحساس غريب لأول مرة أحسه من ساعة ما اتجوزنا
المهم فكرت إيه الحاجات اللي ممكن أعملها أو أحب أعملها وعلي مش موجود
لقيت إن مفيش حاجة بحب أعملها دلوقتي لوحدي ... ماعدا القراءة
بحب أشتري أي حاجة من السوبر ماركت معاه .. بحب آكل معاه ... أخرج معاه .. أشوف أفلام معاه
امبارح كنت حاسة إن الأكل عادي أوي ... والتلفزيون خنيق والأفلام مملة ... والدنيا متساوية ونضيفة بشكل مستفز ... مفيش فوطة مش محطوطة في مكانها ولا تي شيرت مرمي على السرير
محتاجة علي يرجع بسرعة علشان أحس إن حياتي رجعت لطبيعتها تاني
على العموم لو أي حد عنده اقتراحات إزاي أسلي نفسي بعيداً عن الشغل خلال الكام يوم دول يقوللي...
ولو فيه أي أخبار من علي حبقى أكيد أقول ... هو اتصل آخر مرة امبارح بس ولسة معرفش حاجة عنه النهاردة
وعايزة كمان اقتراحات عن إيه اللي ممكن يتجاب مثلاً من السودان
مستنية ردود كتير
إيه ده ... رسالة على موبايلي
نمرة غريبة ... يبقى علي
رسالة من علي ... هييييييييييييييييييييييييه
علي دلوقتي في دارفور ... ربنا يجيبه بالسلامة ويبعد عنا الانقلابات وعمليات الاختطاف
إلا دارفور الواحد يجيب منها إيه .... أقصد يديها إيه ... مساعدة أقصد طبعاً مش تريقة
يللا سلام
ولأول مرة أقضي 24 ساعة كاملة لوحدي من غيره .. أقصد من غيره في البلد طبعاً
إحساس غريب لأول مرة أحسه من ساعة ما اتجوزنا
المهم فكرت إيه الحاجات اللي ممكن أعملها أو أحب أعملها وعلي مش موجود
لقيت إن مفيش حاجة بحب أعملها دلوقتي لوحدي ... ماعدا القراءة
بحب أشتري أي حاجة من السوبر ماركت معاه .. بحب آكل معاه ... أخرج معاه .. أشوف أفلام معاه
امبارح كنت حاسة إن الأكل عادي أوي ... والتلفزيون خنيق والأفلام مملة ... والدنيا متساوية ونضيفة بشكل مستفز ... مفيش فوطة مش محطوطة في مكانها ولا تي شيرت مرمي على السرير
محتاجة علي يرجع بسرعة علشان أحس إن حياتي رجعت لطبيعتها تاني
على العموم لو أي حد عنده اقتراحات إزاي أسلي نفسي بعيداً عن الشغل خلال الكام يوم دول يقوللي...
ولو فيه أي أخبار من علي حبقى أكيد أقول ... هو اتصل آخر مرة امبارح بس ولسة معرفش حاجة عنه النهاردة
وعايزة كمان اقتراحات عن إيه اللي ممكن يتجاب مثلاً من السودان
مستنية ردود كتير
إيه ده ... رسالة على موبايلي
نمرة غريبة ... يبقى علي
رسالة من علي ... هييييييييييييييييييييييييه
علي دلوقتي في دارفور ... ربنا يجيبه بالسلامة ويبعد عنا الانقلابات وعمليات الاختطاف
إلا دارفور الواحد يجيب منها إيه .... أقصد يديها إيه ... مساعدة أقصد طبعاً مش تريقة
يللا سلام
8 comments:
ربنا يرجع علي بالسلامة يارب
وتتهنو مع بعض يارب
وتعيشو في تبات ونبات
وتخلفو صبيان وبنات
ربنا يخليكم لبعض
اللحمة في السودان رخيصة جدا خليه يجيبلك 100 كيلو ..
ونبقة نقسهم بالنص انتوا 20 كيلو وانا 80 قسمة العدل
تركي
هذه رابع أو خامس تدوينة أجدها على بلوجر عن ناس بتزور السودان في أقل من أسبوع. على العموم حأحاول أديكي معلومات بسيطة و إن شاء الله تطلع مفيدة. بالنسبة لدارفور فأنا ما عارفة معنى كلامك عن الإنقلابات و الإختطافات لأن على حد علمي ما حصلت أي حاجة زي دي في دارفور. لهم الله أهل دارفور بعد أن كانوا أهل عز و رواد علم و دين ضاقت بهم الدنيا و تناقص مواردهم أشعل الخلافات بينهم و أججها المتمردين. ممكن مساعدتهم بأي حاجة حابة تساهمي بيها و في جمعيات سودانية كثيرة متبنية أعمال خيرية لصالح دارفور. و بما إن زوجك هناك ممكن برضو تقترحي عليه زيارة جبل مرة فهي منطقة جميلة جدا و على عكس باقي مناطق دارفور الصحراوية جبل مرة كله بساتين خضراء و شلالات و مناظر طبيعية جميلة
أما حكاية الأشياء اللي ممكن يشتريها من السودان فدي بتعتمد على نوع الحاجات اللي إنت عايزاها. لو قصدك على الهدايا التقليدية اللي بيشتروها الزوار فعندي شوية اقتراحات
في أم درمان في سوق شعبي مشهور اسمه السوق العربي. ممكن تشتري منه لوحات و تماثيل و إكسسوارات عاجية.ممكن برضو تشتري منه مناظر مصغرة لأهرامات مروي و البجراوية. في برضو الأطقم الخزفية زي أواني شرب القهوة من شرق السودان و إسمها الجبنة بفتح الجيم و الباء. ممكن تشتري بخور خشب الصندل و المسك. لكن أهم حاجة أو أقيم حاجة في نظري هي الآيات و السور لقرآنية اللي بتكون منسوخة على لوحات خشبية أو قطع جلدية و دي من تراث خلاوي تحفيظ القرآن . و في النهاية لو عايزة ممكن تطلبي منه يشتري ليكي توب سوداني. في أشياء تانية كتيرة و لكنها لا تحضرني الآن للأسف. إن شاء الله أكون جاوبت على استفسارك و آسفة على الإطالة
واحد من الناس
أشكرك على دعائك لنا
*****
عمرو فهمي
الله يكرمك يا عمرو
*****
محمود التركي
تتصور أنا مافكرتش في حكاية اللحمة دي فعلاً، مع إن كل الناس بتقول إن مفيش لا أحلى ولا أرخص من اللحمة السوداني
المرة الجاية وعليك خير خير بقى لو الواحد راح بري أو عن طريق أي ميناء لكن في المطار يتقفش بيهم وبتوع الجمارك حيغرقوا في نعيم اللحمة دي
*****
دانا أشكرك جداً على تعليقك وأحب أقولك إنك ما طولتيش ولا حاجة بالعكس أنا استمتعت جداً بنصايحك دي وحسأل زوجي على الأماكن اللي إنتي قولتيها قبل ما يرجع إن شاء الله
بنا يرجعة بالسلامة يا رب ويخليكم لبغض .
عايزه تعملى حاجه لحاد اما يجي فكري لعلى في مفاجأه حلوة اوي تفرحه لحاد اما يجي .
ابسطية أوي بفكرة حلوة اما يجي
أشكركم يا جماعة على تعليقاتكم
الحمد لله علي رجع بالسلامة من دارفور ومن الخرطوم
بجد كان أصعب أسبوع عليا
بس الحمد لله أنه بخير
مريم
ربنا يخليكو لبعض انتِ وعلي ويملى أيامكم سعادة
Post a Comment