اتعودت آخذ صدمات ومفاجآت كتير من ناس كنت فاكراهم دايماً قريبين مني، أو هما فعلاً أشخاص قريبين أوي مني ولقلبي، لكن مش أنا اللي قريبة منهم
احساس مؤلم أوي بجد
اللي بيعمل ده ما بيحسش، لكن اللي بيحصل معاه الموقف ده بيحس بمرارة شديدة
المهم إن الكلام ده اتكرر معايا خلال السنة دي أكتر من 10 مرات، كل مرة باخد صدمة كبيرة أوي، ولكهم للأسف أشخاص من أقرب المقربين ليا... ساعات الشخص صاحب المناسبة بيفتكر إن المفاجأة اللي بحس بيها بتكون من الإنبساط بس ... لكن المفاجأة بتكون من صدمتي بعدم معرفة الخبر ده غير متأخر أوووي أو ساعات مبعرفوش أساساً والألطف من كده ساعات اللي بفتكرهم قريبين دول بيحاولوا يخبوه عني بالذات دوناً عن أي شخص تاني واتصدم أكتر لما أعرف إن في ناس كتير عارفة مش على مدى درجة القرابة أو الصلة بالشخص صاحب المفاجأة الحلوة والصادمة في نفس الوقت
في الوقت الماضي ومؤخراً ابتديت أحس اني منبوذة من ناس كتير، وخارج دائرة اهتماماتهم وخروجاتهم، أو بمعنى أصح مش صديقة قريبة لناس كتير أوي كنت فاكراهم قريبين... احساس بالزهق يمكن مني واحساس بعدم وجودي أصلاً
ساعات بقول إن الموضوع مش فارق معايا وإن وجود الناس حواليا مش هو اللي حيخيليني مبسوطة، ساعات وجودهم ووجود خروجات كتيرة وواجبات ناحيتهم بتخنق الواحد برضه
لكن إحساسي الحالي هو الفراغ... بالرغم من جوازي، إلا إني دايماً ما بعتقدش إن الجواز كل حاجة، يعني اللي متجوز من غير صحاب خالص ده عامل زي اللي مقطوع من شجرة
الغريب إن ساعات إحساسي بالضيق والوحدة بعد المفاجآت الصادمة دي من أشخاص قريبين ساعات بيتقلب لرغبة في إهمالهم مع إني مبعرفش خالص.
والأغرب إني لما بسأل ناس تانية أعرف إنهم قريبين من الشخص ده وعارفين عنه حاجات يمكن تفرحني عنه بيفتكروا إنه فضولية أوي وبحب أحشر مناخيري في كل حاجة
فعلاً أنا كنت بصدق إني فضولية، لغاية ما تأكدت إن اللي بشعر به ده ليس إلا غيرة
غيرة شديدة على اللي بحبه، غيرة من اللي بيعرف عنه أكثر ويكون مقرباً منه أكثر
اكتشفت أني بغير على أصدقائي وأحبائي يمكن ساعات أكتر من غيرتي على زوجي
المهم إن ده نابع من حبي ليهم وهو مش حاجة مرضية ولا حاجة، لو حد حيخاف مني بعد كده وحيعاملني بحساسية شديدة مفيش داعي لأني باخد بالي موووت من الحاجات دي
على العموم اتمنى إن يكون ليا أصدقاء حقيقيين بيتعبروني برضه صديقتهم الحقيقية اللي في حزنهم مدعية وفي فرحهم برضه مدعية مش الأماكن محدودة والعدد على القد والكلام الفارغ ده
احساس مؤلم أوي بجد
اللي بيعمل ده ما بيحسش، لكن اللي بيحصل معاه الموقف ده بيحس بمرارة شديدة
المهم إن الكلام ده اتكرر معايا خلال السنة دي أكتر من 10 مرات، كل مرة باخد صدمة كبيرة أوي، ولكهم للأسف أشخاص من أقرب المقربين ليا... ساعات الشخص صاحب المناسبة بيفتكر إن المفاجأة اللي بحس بيها بتكون من الإنبساط بس ... لكن المفاجأة بتكون من صدمتي بعدم معرفة الخبر ده غير متأخر أوووي أو ساعات مبعرفوش أساساً والألطف من كده ساعات اللي بفتكرهم قريبين دول بيحاولوا يخبوه عني بالذات دوناً عن أي شخص تاني واتصدم أكتر لما أعرف إن في ناس كتير عارفة مش على مدى درجة القرابة أو الصلة بالشخص صاحب المفاجأة الحلوة والصادمة في نفس الوقت
في الوقت الماضي ومؤخراً ابتديت أحس اني منبوذة من ناس كتير، وخارج دائرة اهتماماتهم وخروجاتهم، أو بمعنى أصح مش صديقة قريبة لناس كتير أوي كنت فاكراهم قريبين... احساس بالزهق يمكن مني واحساس بعدم وجودي أصلاً
ساعات بقول إن الموضوع مش فارق معايا وإن وجود الناس حواليا مش هو اللي حيخيليني مبسوطة، ساعات وجودهم ووجود خروجات كتيرة وواجبات ناحيتهم بتخنق الواحد برضه
لكن إحساسي الحالي هو الفراغ... بالرغم من جوازي، إلا إني دايماً ما بعتقدش إن الجواز كل حاجة، يعني اللي متجوز من غير صحاب خالص ده عامل زي اللي مقطوع من شجرة
الغريب إن ساعات إحساسي بالضيق والوحدة بعد المفاجآت الصادمة دي من أشخاص قريبين ساعات بيتقلب لرغبة في إهمالهم مع إني مبعرفش خالص.
والأغرب إني لما بسأل ناس تانية أعرف إنهم قريبين من الشخص ده وعارفين عنه حاجات يمكن تفرحني عنه بيفتكروا إنه فضولية أوي وبحب أحشر مناخيري في كل حاجة
فعلاً أنا كنت بصدق إني فضولية، لغاية ما تأكدت إن اللي بشعر به ده ليس إلا غيرة
غيرة شديدة على اللي بحبه، غيرة من اللي بيعرف عنه أكثر ويكون مقرباً منه أكثر
اكتشفت أني بغير على أصدقائي وأحبائي يمكن ساعات أكتر من غيرتي على زوجي
المهم إن ده نابع من حبي ليهم وهو مش حاجة مرضية ولا حاجة، لو حد حيخاف مني بعد كده وحيعاملني بحساسية شديدة مفيش داعي لأني باخد بالي موووت من الحاجات دي
على العموم اتمنى إن يكون ليا أصدقاء حقيقيين بيتعبروني برضه صديقتهم الحقيقية اللي في حزنهم مدعية وفي فرحهم برضه مدعية مش الأماكن محدودة والعدد على القد والكلام الفارغ ده
17 comments:
ممممم
احساس رخم فعلا
ولكن اصدقاء بالنوع دا اعتقد انهم مايفرقوش اوى مع الواحد
:)
اصل بالشكل دا يبقوا اصدقاء ازاى ، اعتقد لما يحصل حاجة زى كدة ونعرفهم كويس احسن ما نفضل مخدوعين فيهم
ولا ايه ؟؟
اسأل الله ان يمن علينا وعليكى بالصديق الصالح الصادق
فالمرء على دين خليله فلينظر احدكم من يخالل
كل عام وانتم بخير
ساعات كتير اوي بيجي لي الشعور ده لحد ما بقيت مبهتمش
اللي عايزني انا عايزة واللي مش عايزني خلاص ح اعمله اية
بس برضوا بزعل مع اني بحاول اتاقلم
تركي وبحاول اطنش
مريم..مش تزعلي يا كوكي معلش احساس صعب قوي انا عارفه بس اكيد الناس دول بيعملوا كده غصب عنهم او حتى لظروف هم شايفينها صح، صحيح لازم نعرف المبرر لكن في الاخر لازم نلتمس لهم الاعذار
انت عندك حق تغيري على اصحابك وتحبيهم بطريقتك لكن ده مش فضول ولا حاجة خليكي على طبيعتك وعبري عن مشاعرك بطريقتك بس حاولي تواجهيهم يمكن توصلي لاسباب ترضيكي وتريحك
"والأغرب إني لما بسأل ناس تانية أعرف إنهم قريبين من الشخص ده وعارفين عنه حاجات يمكن تفرحني عنه بيفتكروا إنه فضولية أوي وبحب أحشر مناخيري في كل حاجة"
:)))))))))))))))))
مش عارفة ليه شامة ريحتي في الفقرة دي.. فكرتيني بحواراتنا وخناقاتنا إياها.
مريم بجد كبري دماغك من الأوهام الفاضية دي، وبجد اللي ميحطكيش في دايرة اهتمامه سيبك منه تماما، وده لا يعني اني بقول لك اكرهيه لكن افضلي حبيه بطريقته، ومتتوقعيش منه أفضل مما يعطيه.. واوعي اوعي تفقدي الثقة في نفسك ولا تحسي انك منبوذة.. وبعدين يا شيخة ده كفاية عليكي شيرين بالدنيا وما فيها
:)
والله العظيم بحبك قوي يا بت يا مريومز انتي وعيلة المعتصم كلها
:)
إزيكم يا جماعة
معلش أنا بعتذر عن مسح معظم التعليقات اللي فوق واللي كانت شخصية زي ما كان واضح
وأرجو توضيح إن المدونة بتاعتي مش مكان للخلافات الشخصية بين أي أشخاص حتى لو دخلت أنا في النص، وأرجو إن التعليق يكون متعلق بالموشوع فقط بدون الرد او الهجوم على أصحاب تعليقات أخرى
أما بالنسبة للتدوينة في حد ذاتها فهي لا تمس أي أشخاص موجودين في مكان العمل
وأرجو دائماً عدم سوء الظن والإفتراض من بعض الأشخاص أنني أتكلم عنهم
وأخيراً ساعات الواحد بيكون متضايق لوقت وبيدلق كل اللي هو عايز يقوله براحته، فأرجو أن تكون التعليقات متعلقة بالموضوع وفي إطار لا يمسني أنا شخصياً، فأنا مش منتظرة شفقة ولا عطف ولا كلام زي ده خالص
أعتذر مرة أخرى لحذف التعليقات
(ملحوظة)
البلوج ده أداة نشر شخصية ولذا فيحق لي مسح أي تعليق أراه غير مناسب وأيضاً من حقي نشر ما أريد من خواطر وموضوعات بشكل شخصي أو غير شخصي
كذلك أرجو عدم أخذ هذه الأمور بحساسية واعتباري طرف نزاع مابين أي اثنين وعدم استباق الأمور وكتابة أراء وردود غير محمودة العواقب على مدونتي بدون الرجوع إلي شخصياً
سوف أعتبر هذه التعليقات كأن لم تكن، وكذلك غيرها من التعليقات المشابهة
بصي يامريومة الغيرة على الصحاب والزملاء ان دل على شي فانه بيدل على انك قلبك صافي وغيرتك ده شعور يمكن اغلبنا بيمر بيه ياحبيبتي بس تعرفي مش تزعلى منهم احيانا والله الانسان مش بيبقي يقصد انه يخبي بس بتيجي الظروف كده معاه او لانا الفرح بقى نادر علينا بقينا نخاف نقول عليه قبل الاوان وبعدين ياقمر انا من خلال معرفتي القلية خالص بيكي مش حاسة انك فضولية ولا بتاع انتي جد يتمنى يتقرب منه تحياتي ليكي
ازيك يا مريم..
طبعاً بغض النظر عن التعليقات والخناقة (هي لا خناقة ولا حاجة، مجرد اختلاف في وجهات النظر ليس له أي علاقة بيكي من قريب أو بعيد، له فقط علاقة باسلوب رد معلق على تدوينتك، واعتراضي على الاسلوب ده من التعليقات)..
لكن خليني أقف معاكي عند نقطة مهمة، مش من حقك للاسف حذف التعليقات طالما انها لم تحتوي على اساءة شخصية لكي، أو ألفاظ نابية، أو اساءات دينية او غيرها، وفي حالة اخرى غير ذلك يصبح الحذف مجرد حجر منك على اصحاب الرأي المنشور في التعليق، وهذا الحجر أنا للاسف لا اقبله.
بتقولي ان "لبلوج ده أداة نشر شخصية ولذا فيحق لي مسح أي تعليق أراه غير مناسب وأيضاً من حقي نشر ما أريد من خواطر وموضوعات بشكل شخصي أو غير شخصي"..
طبعاً ده غير سليم..
وسيلة النشر الشخصية هي الاجندة او المفكرة اللي بتكتبي فيها مذكراتك لنفسك، لكن طالنا نشرتي على المدونة تبقى وسيلة نشر عامة، وطالما فتحتي التعليقات تبقي موافقة مبدائياً على تقبل الآراء والنقد، وطالما سمحتي ان التعليقات تتنشر على طول بدون تمريرها عليكي يبقى انتي بتقولي للمعلقين ان موافقتك على مضمون التعليقات ليس مرتبطاً بنشرها، والا كنت فعلتي خاصية قراءة التعليقات قبل ظهورها.
مريم.. للاسف أنا كنت بحاول ادافع عن حريتك في قول ما تريدينه، وانا عندما ادافع عنك ادافع ايضاً عن حريتي.. لكنك للأسف تعديتي على حريتي، وحريتك أنتي أيضاً، وبالتوفيق.
ملحوظة..
اعتبري تعليقي هذا كأن لم يكن، فلا أنا زعلان ولا غضبان ولا اي حاجة.. أنا فقط محبط..
مريم كل الي ممكن ئئوله ليكي ان الي يحطك بره ديرته هو اصلا مش يستاهل يتحط جوة ديرتك و بكرة هو مش هيلئ حد في ديرته اصل في ناس كده تحب تمشي مع التيار و فكرين نفسهم لذاذ و اصحاب الكل و همه في الصراحه ميستهلوش و علي العموم الطيور علي اشكالها تقع :)
بصى يا مريم الموضوع ده مهم اوي لأنه بقى بيحصل كتيييير اوي
مش عارفة ليه الناس بقت تخبي على بعض كل حاجة و بالذات الفرح
يعني شئ بايخ اوي انك تكتشفى ان بنت خالتك خلفت و انتى أصلا ماكنتيش تعرفى انها حامل
و شئ ابوخ لما تعرفى خبر ان ابن خالتك خطب و اللى يبلغك الخبر حد برة العيلة خالص
انا عن نفسي بعتبر ان فرحتى عمرها ما تكمل غير لما اقول لكل اللى حواليه و اشوف نظرة الفرح في عيونهم ...و الله الناس دي بتصعب عليه لأنهم بيعيشوا حياتهم كلها مش عارفين الفرح بجد ....انك تحسي ان كل اللى حواليكي فرحان بيكي و انهم عايزين لك الخير
على العموم انا بردو زيك اللى مش بيهتم بيه بحاول ما اهتمش بيه و مش بعرف و بلاقى نفسي بردو بروح و اقول لهم على كل حاجة
خليك على طبيعتك احسن
تحياتي لمشاعرك الرقيقة و لاهتمامك بالناس
هاي يا مريومة
طبعا التعليق ده متأخر اوي
بس انا لسة عارفة بالمدوتة دلؤتي
اما بالنسبة للموضوع ده
حاسة بيكي
و حصللتلي كتييييييييييير و زعلت و اتفلقت كتير بس و بعدين عملت ايه بزعلي
في رأي(او مثل)بيقول اعرف صاحبك و علم عليه
صحيح انا علمت علي ناس كتيييييييير بس لسه فيه فرصه نعرف ناس تانية اكتر علشان نعلم عليهم برضة
:)
و احنا ورانا ايه يعني
:)
شكراً جداً يا أمنية على تعليقك، ولا يهمك هو مش متأخر ولا حاجة... أنا دايماً بقرا التعليقات حتى لو جت متأخرة.. حلوة أوي حكاية اعرف صاحبك وعلم عليه...
فعلاً في ناس كتير الواحد بيعلم عليهم بالصح... وفي برضه ناس الواحد بيعلم عليهم علامة غلط وفي ناس الواحد لسة حيقابلهم يعلم عليهم...
معاكي بقى قلم علشان أعلم:)))))
لا يا مريومة
ماتعلميش علي كل الناس بالغلط او بالصح
المثل بيقول اعرف صاحبك و علم عليه(بس)
انما لو فضلنا نعلم علي كل اللي هيقابلونا مش هنلاحق بالاقلام
نظرا لارتفاع الاسعار و الغلاء نوفر في الاقلام و نعلم علي الصاحب بس
بكده القلم هيقعد معاكي كتييييير اكتر مما تتخبلي
منتظرة مواضيعك
ماتتأخريش
:)
Post a Comment