امبارح بالليل خير اللهم اجعله خير كنت قاعدة أنا وعلي بنتفرج على التلفزيون وبنقلب في القنوات يمكن نلاقي أي فيلم حلو نسهر عليه وشوية وقرينا إن فيلم أسرار البنات حيبدأ على قناة الأفلام
art1
ولصدمتنا الشديدة طلع فيلم تاني خالص لقينا موسيقى بلدي مبهمة وشاشة سودا مكتوب عليها (نقاوة) وبعدها بطولة حسن الأسمر، نهلة سلامة، الفنان القدير حسن كامي، والفنانة القديرة ميمي جمال، بالإشتراك مع جليلة محمود
ولصدمتنا الشديدة طلع فيلم تاني خالص لقينا موسيقى بلدي مبهمة وشاشة سودا مكتوب عليها (نقاوة) وبعدها بطولة حسن الأسمر، نهلة سلامة، الفنان القدير حسن كامي، والفنانة القديرة ميمي جمال، بالإشتراك مع جليلة محمود
ما بقناش قادرين نمسك نفسنا م الضحك، كنت لسة حقلب قناة تانية، لقيت علي بيقوللي استني شوية لما نشوف إيه ده، وأهو نضحك شوية
وبعدين قرينا في نفس التتر الموبيأ ده
سيناريو
نيسرين عبد الحميد عباس ونرمين عبد الحميد عباس ووراهم مباشرة المنتج المنفذ أختهم التالتة نيفين عبد الحميد عباس وبعدين وفي الآخر خالص قبل اسم المخرج المجهول انتاج الدكتور عبد الحميد عباس
سيناريو
نيسرين عبد الحميد عباس ونرمين عبد الحميد عباس ووراهم مباشرة المنتج المنفذ أختهم التالتة نيفين عبد الحميد عباس وبعدين وفي الآخر خالص قبل اسم المخرج المجهول انتاج الدكتور عبد الحميد عباس
مكناش فاهمين دكتور في إيه بالضبط
المهم إن العيلة أخدت الفيلم مقاولة وقالوا يبقى زيتنا في دقيقنا ويا بخت من نفع واستنفع
والله افتكرت فوراً المونولوج الشهير بتاع ثلاثي أضواء المسرح لما كان الضيف احمد الله يرحمه بيعلن عن فيلم ( عودة الندل) وبيقول
عودة الندل أقوى أفلام الموسم، الفيلم الكوميدي التراجيدي الراقص الذي أبكى وأضحك الكثيرين
فيلم عودة الندل بطولة عبد الحميد الترزي
انتاج أبو عبد الحميد الترزي
مونتاج ابن عبد الحميد الترزي
باتيناج بنت أخت عبد الحميد الترزي
مكساج بنت خالة عبد الحميد الترزي
المهم إن اسم الفيلم نفسه يصيبك بالدهشة وأول مشهد طلعت فيه نهلة سلامة مع جليلة محمود اللي هي امها قالوا فيه قصة الفيلم كله تقريباً واللي بتدور حوالين المعلم بيومي (حسن أبو وحمة في دماغه ... أقصد الأسمر) اللي اتجوز جليلة محمود علشان يستغل معاش جوزها المرحوم وفي نفس الوقت منغص على نهلة سلامة اللي تبقى بسم الله ماشاء الله بنت مراته عيشتها
وطبعاً الأخت تبقى نقاوة اللي بتكافح علشان امها وجوز امها والحارة كلها
بنت مجدعة وزي الفل وزي القمر والناس كلها حتموت عليها ... طبعاً يا جماعة دي نهلة سلامة ... حاجة آخر شياكة ورقة الصراحة
طبعاً ماقدرناش نكمل الفيلم من كتر حلاوته ومؤثراته الصوتية والبصرية وخصوصاً إن الحاج حسن الأسمر غنى آخر أغانيه الشهيرة .. إدلع يا حلو ... حلو حلو حلو .. يا أبو رمش مكحلو .. حلو حلو حلو
!قلبنا الجزيرة في النهاية وقلنا خلينا في الآخبار أحسن .. حاجة كده آخر نقاوة
4 comments:
بوست آآآآآآآآآآآخر نقاوة
بجد ايه المسخررررررة دي
loooooooooollllllllllllll
من أول ثانية في البوست ده وانا عمال أفكر ازاي اسم الفيلم ده ممكن نلعبه في بدون كلام؟!!!!!!
بأضم صوتي لصوت شيرين البوست مسخرة التنين
وكذلك أشارك الأخ أنونيموس التساؤل، ازاي يتلعب في بدون كلام؟!!!!
وأضم صوتي كذلك لصاحبة التدوينة الأخ ده مش بأطيقه
وأشكر بلوجر إنهم سمحولنا نعبر عن آرائنا بحرية بعيدا عن رقابة الإعلام اللي عرض الفيلم "النقاوة" ده!
أحب أقترح إن لو كنا عايزين نمثل الفيلم ده وإحنا بنلعب أفلام ممكن الواحد يعمل نفسه بينقي فاكهة من السوق أو بينقي رز أو بينقي جاكيت من محل ... ولا بلاش جاكيت دي .. لحسن دي حاجة راقية أوي وبعيد عن انحطاط ووطي مستوى الفيلم
Post a Comment