مصر أذهلت الكاميرونفوز مصر المتوجة على عرش الكرة الأفريقية
الفراعنة يروضون أسود الكاميرون في بداية مشوارهم للحفاظ على اللقب
كل دي كانت عناوين رئيسية على مواقع رويترز، يوروسبورت، البي بي سي، وكالة الأنباء الفرنسية، وأخبار جوجل ... بجد الفرحة مش سايعاني ... ومش مصدقة لغاية دلوقتي إن اللي كانوا بيلعبوا دول فريقنا ... مصر .. أبطال كاس أفريقيا 2006 ويارب السنة دي كمان (غانا 2008) نفضل بنفس مستوى النهاردة ونقدر نحافظ على اللقب
مش حتكلم كتير عن المباراة، كنت بس عايزة أقول إن الفريق النهاردة كان فوق الممتاز، متماسك جداً
Relax
سريع في الجري
بيلعبوا لعب مزيكا م الآخر
أما محمد زيدان ... فربنا يحميه ويخليه لينا .. أهي دي اللعيبة بجد
يارب نفضل كده
النتيجة النهاردة في أولى مباريات المجموعة الثالثة بين مصر والكاميرون كانت (4 – 2)، يوم السبت مباراة مصر والسودان والأربعاء 30 يناير حيكون مصر مع زامبيا ... أتابع معاكم المبارايات الجاية وأسيبك مع شوية صور تفرح القلب
2 comments:
هو الحضري حيكمل مع الأهلي ولا حيرجع سيون؟؟؟
الحضري خلاص سافر ومش حيرجع تاني
ياريت الناس تنبط بقى وخلينا نفكر في بلاوي البلد دي اللي أكتر من الهم على القلب
Post a Comment